लाडकी बहीण योजनेसाठी दाखला आणायला गेला, तरुणाला सरपंचाने लगावली कानशिलात

रवि सपाटे, गोंदिया : महाराष्ट्र शासनाने राज्यात मुख्यमंत्री लाडकी बहीण योजना सुरू केलीय. लाडकी बहीण योजनेंतर्गत राज्यातील गरीब कुटुंबातील महिलांना प्रत्येक महिन्याला १५०० रुपये दिले जाणार आहेत. हे पैसे थेट लाभार्थी महिलांच्या खात्यावर पाठवले जातील. या योजनेसाठी काही कागदपत्रांची पूर्तता करणं आवश्यक आहे. यासाठीच बहिणीचा दाखला आणायला गेलेल्या तरुणाला सरपंच महिलेने कानशिलात लगावल्याची घटना समोर आली आहे. ग्रामपंचायतीत तरुण दाखला आणायला गेला होता. सरपंच महिलेविरुद्ध पोलीस स्टेशनमध्ये गुन्हा दाखल झाला आहे.