Hingoli News : कॉलेजचा फीसाठी तगादा, वडील म्हणाले सोयाबिन निघेपर्यंत थांब; 17 वर्षीय मुलाने घेतला वेगळाच निर्णय

हिंगोली, 21 ऑक्टोबर (मनिष खरात, प्रतिनिधी) : जिल्ह्यातील औंढा तालुक्यात असलेल्या दौंडगाव येथून एक हृदयद्रावक घटना समोर आली आहे. घरची परिस्थिती असल्याने शैक्षणिक शुल्कासाठी पैसे नव्हते. अशातच कॉलेजकडून फीसाठी तगादा सुरू होता. यामुळे नैराश्यात गेलेल्या 17 वर्षीय विद्यार्थ्याने विषारी रसायन पिऊन जीवन संपवले. घटनेनंतर विद्यार्थ्यास उपचारासाठी जिंतूर ग्रामीण रुग्णालयामध्ये दाखल केले होते. मात्र, डॉक्टरांनी तपासून मृत घोषित केले आहे. परमेश्वर विठ्ठल चितरे (वय 17) असे आत्महत्या केलेल्या विद्यार्थ्याचे नाव असून संभाजीनगर येथे तो शिक्षण घेत होता.