Kolhapur News : इतिहासात प्रथमच! कोल्हापुरात तृतीयपंथी संघटना चालवणार रेशन दुकान, महसूल विभागाचा निर्णय

कोल्हापूर : समाजातील सर्व घटकांना समान संधी मिळावी या उद्देशाने कोल्हापूर जिल्ह्यात एक ऐतिहासिक निर्णय घेण्यात आला आहे. तृतीयपंथी समुदायाच्या कल्याणासाठी कार्यरत असलेल्या मैत्री संघटनेला रेशन दुकान चालविण्याची परवानगी महसूल विभागाकडून देण्यात आली आहे. हा निर्णय शनिवारी अधिकृतपणे जाहीर करण्यात आला असून देशभरात पहिल्यांदाच तृतीयपंथी समाजाला रेशन दुकान चालविण्याची संधी मिळाल्याने कोल्हापूरच्या नावावर एक अभिमानास्पद नोंद झाली आहे.