IAS तुकाराम मुंढे यांना निलंबित करा, त्यांना अटक झाली पाहिजे, भाजप आमदाराची मागणी

नागपूर : भारतीय प्रशासन सेवेतील धडाडीचे अधिकारी तुकाराम मुंढे यांना निलंबित करण्याची मागणी भाजप आमदार कृष्णा खोपडे केली आहे. तुकाराम मुंढे हे कोरोना काळात नागपूर महानगरपालिकेत रुजू झाले. त्या काळात त्यांच्या सात महिन्याच्या कार्यकाळात गैरप्रकार केले आहेत, असा आरोप कृष्णा खोपडे यांनी केला. त्यांच्याकडे स्मार्ट सिटी प्रकल्पाचे मुख्य कार्यकारी अधिकारी पद नसतानाही त्यांनी नियमबाह्य पद्धतीने एका कंत्राटदाराला २० कोटी रुपयांचा धनादेश दिला होता. या प्रकरणात त्यांची चौकशी करून त्यांना अटक करा, अशी मागणी आमदार कृष्णा खोपडे यांनी केली.