Jalgaon News : जळगावच्या लक्ष्मीचा हिमाचलमध्ये मृत्यू,आयटी कंपनीत काम करणाऱ्या 25 वर्षीय तरूणीसोबत काय घडलं?

मिळालेल्या माहितीनुसार, मृत लक्ष्मी विराणी ही तरूणी ही जळगाव शहरातील मूळ रहिवाशी होती.आणि ती पुण्यातील एका खासगी आयटी कंपनीत नोकरीला होती.या दरम्यान काही दिवसांपूर्वी कंपनीतील काही मैत्रिणींसह शिमला या ठिकाणी पर्यटनासाठी गेली होती.

शिमलामध्ये पर्यटनाचा आनंद घेत असताना आणि प्रवाशी बसमधून प्रवास करत असताना लक्ष्मी विराणीला मृत्यूनं गाठलं होतं.त्याचं झालं असं की हिमाचल प्रदेशातील शिमला येथे मुसळधार पाऊस पडतो आहे.या पावसामुळे दरड कोसळल्याच्याही घटना घडत आहेत. अशीच दरड लक्ष्मी विराणी प्रवास करत असलेल्या बसवर कोसळली होती.त्यामुळे लक्ष्मी विराणीची मृत्यू झाला होता. लक्ष्मी सोबत आणखी एका महिला प्रवाशाचा मृत्यू झाला आहे, तर 15 हून अधिक प्रवासी गंभीररित्या जखमी झाले आहेत.

दरम्यान लक्ष्मीचा मृत्यू झाल्याची माहिती मिळताच जळगावमधील नातेवाईक तातडीने शिमला येथे रवाना झाले आहेत. तसेच दुर्घटनेची माहिती मिळताच जळगाव जळगावचे जिल्हाधिकारी डॉ. आयुष प्रसाद यांनी स्वतः शिमला जिल्हा प्रशासनाशी संपर्क साधला आणि लक्ष्मीचा मृतदेह जळगावात आणण्यासाठी आवश्यक कार्यवाही केली आहे.लक्ष्मीच्या मृतदेहावर जळगाव येथेच अंत्यसंस्कार करण्यात येणार आहे. या घटनेमुळे लक्ष्मी विराणी यांच्या कुटुंबियांसह सहकाऱ्यांवर आणि मित्र परिवारावर दु:खाचा डोंगर कोसळला आहे.तसेच परिसरातही हळहळ व्यक्त होत आहे.