Congress Jansanwad Yatra : काँग्रेसच्या जनसंवाद यात्रेत मोटरसायकल रॅलीत अपघातात जखमी झालेल्या व्यक्तीचा मृत्यू

बाळासाहेब थोरात यांच्या उपस्थितीत काँग्रेसची जन संवाद यात्रा रावेरच्या सावदा खिरोदा दरम्यान मोटरसायकल रॅली काढण्यात आली होती. या रॅलीत एकाचा जखमी होऊन मृत्यू झाल्याने काँग्रेसच्या जनसंवाद यात्रेला गालबोट लागल्याचे बोलले जात आहे. काँग्रेसचे आमदार शिरीष चौधरी यांनी जखमीला स्वतःच्या वाहनात नेऊन उपचारार्थ दाखल करण्यात आले होते. मात्र, जखमीचा उपचारादरम्यान मृत्यू झाला आहे, अशी माहिती समोर येत आहे.

जखमी व्यक्तीचा मृत्यू झाल्याच्या वृत्ताला काँग्रेस नेते बाळासाहेब थोरात यांनी दुजोरा दिला आहे. थोरात म्हणाले, की ही दुर्दैवी घटना आहे. रॅली सुरू असताना मोटरसायकल घुसल्याने ही घटना घडली, अशी प्रतिक्रिया बाळासाहेब थोरात यांनी दिली आहे.

काँग्रेसच्या जनसंवाद यात्रा मंगळवारी तिवसा विधानसभा मतदार संघातील कर्मयोगी संत गाडगेबाबा यांची निर्वाणभूमी वलगावात पोहचली अन या यात्रेचा पुढचा प्रवास सुरु झाला. वलगावनंतर भारतरत्न डॉ. बाबासाहेब आंबेडकर यांचे अस्थीस्मारक असलेल्या नया अकोला येथे यात्रा पोहचल्यानंतर अस्थिस्मारकाला अभिवादन करण्यात आले. भ्रष्ट मोदी सरकार व खोके सरकारची पोलखोल या जनसंवाद यात्रेतून करण्यात आली.