जळगावातील इराणी महिला प्रकरणात मोठा ट्विस्ट, पाकिस्तान कनेक्शन समोर! व्हिडीओ कॉल केलेला 'सलमान भाई' कोण?

Jalgoan Crime News : साधं सरळ गाव... कुणी विचारही केला नसेल, पण याच जळगावातून पाकिस्तानमध्ये फोन जात होता. पोलिसांना संशयाची पाल चुकचुकली अन् तपासानंतर जे काही सत्य समोर आलं, त्याने फक्त जळगावच नाही तर संपूर्ण महाराष्ट्र हादरला. जळगाव जिल्ह्यातील धरणगाव येथे बेकायदेशीररीत्या वास्तव्य करणाऱ्या एका इराणी महिलेच्या अटकेनंतर आता या प्रकरणाला अत्यंत धक्कादायक वळण मिळाले आहे. केवळ बेकायदेशीर मुक्कामाचा हा विषय नसून, याचे धागेदोरे थेट शत्रूराष्ट्र पाकिस्तानपर्यंत जोडलं गेलं असल्याचं पोलीस तपासात उघड झालं.