Jalgaon : निमंत्रण मिळालं तरी PM मोदींच्या कार्यक्रमाला जाणार नाही, खडसेंनी स्पष्टच सांगितलं

जळगाव : पंतप्रधान नरेंद्र मोदी आज जळगाव दौऱ्यावर येणार असून लखपती दीदी प्रशिक्षण सत्र आणि मेळाव्यात ते संवाद साधणार आहेत.  महाराष्ट्रातील ३० व देशातील ५० लखपती दिदींचे अनुभव,अडचणी पंतप्रधान नरेंद्र मोदी ऐकून घेणार आहेत. दरम्यान, या मेळाव्याला ज्येष्ठ नेते एकनाथ खडसे हे उपस्थित राहणार की नाही याची चर्चा रंगलीय. एकनाथ खडसे यांनी काही महिन्यांपूर्वी आपण भाजपमध्ये प्रवेश कऱणार असल्याचं सांगितलं होतं. पण अद्याप त्यांचा भाजपप्रवेश झालेला नाही. त्यातच त्यांना मोदींच्या कार्यक्रमाचे निमंत्रणही देण्यात आलेलं नाही. शासकीय कार्यक्रम असतानाही आमदार असणाऱ्या खडसेंना निमंत्रण नसल्यानं सर्वांच्या भुवया उंचावल्या आहेत.