Nepal Bus Accident : घरापासून 1600 किमी अंतरावर चौघे गेले, आता कुटुंबात फक्त आजी आणि नातू उरले!

जळगाव : नेपाळमध्ये झालेल्या बस अपघातात जळगावमधील २५ जणांचा मृत्यू झाला. यात वरणगाव, तळेगाव इथल्या नागरिकांचा समावेश आहे. वरणगावातील एका कुटुंबात आजी आणि नातूच उरले आहेत. वरणगावातल्या गणेशनगर भागात संदीप सरोदे यांचे कुटुंबीय तीर्थदर्शनासाठी नेपाळला गेले होते. यात संदीप सरोदे हे पत्नी, मुलगी, भाऊ, वहिणी आणि पुतण्यासह गेले होते. अपघातात संदीप सरोदे, त्यांची पत्नी, मुलगी आणि पुतण्याचा मृत्यू झाला. तर भाऊ आणि वहिणी गंभीर जखमी झाले आहेत. संदीप सरोदे यांच्या आई आणि मुलगा गेले नव्हते. त्यामुळे कुटुंबात केवळ आजी आणि नातूच राहिले आहेत.