वाढप्याचं काम करून पूर्ण केलं शिक्षण, हमालाच्या मुलानं करुन दाखवलं, महाराष्ट्र पोलीसमध्ये झाली निवड

आई-वडिलांचा मी एकुलता एक मुलगा आहे. त्यामुळे मी पोलीस झालो हेच त्यांच्यासाठी खूप मोठे आहे. अजूनही त्यांच्यासाठी जे जे काही करता येईल, ते करण्याचा प्रयत्न करेल, असे अरबाज म्हणाला. आमची परिस्थिती अत्यंत हलाखीची होती. त्याला फार पैसे देण्याची आवश्यकता ही आम्हाला पडली नाही, तशी त्याने पडू दिली नाही. स्वतःचे पैसे तो स्वतःच कमवायचा. आता तो पोलीस होत असल्याने आम्हाला अतिशय आनंद होत आहे, असे त्याची आई अनिसा जब्बार शेख यांनी सांगितले.