KDMC: महाराष्ट्रातील हॉटेल बार मालकांचे आंदोलन, परमिट रूम आणि बार आज बंद, कारण काय?

डोंबिवली : महाराष्ट्रातील हॉटेल बार मालकांनी राज्य सरकारच्या मद्यावरील करवाढीच्या निर्णयाविरोधात आज (14 जुलै) राज्यव्यापी संप पुकारला आहे. या बंदमध्ये सुमारे २२ हजार हॉटेल्स आणि बार यांचाही सहभाग आहे. तर कल्याण-डोंबिवलीमधील सर्व बार हॉटेल मालकांनी एक दिवसीय बंद पुकारला असून राज्य सरकारच्या मद्यावरील करवाढीला कडाडून विरोध केलाय. हॉटेल मालक असोसिएशन डोंबिवली यांनी आज एक बैठक घेत सरकारने हा वाढीव कर रद्द करावा अशी मागणी केलीये. याबाबतचे पत्र भाजप प्रदेशाध्यक्ष रवींद्र चव्हाण यांना देणार आहोत, असे हॉटेल ओनर्स असोसिएशनच्या अजित शेट्टी यांनी सांगितले.