Kartiki Ekadashi : कार्तिकी एकादशीच्या महापूजेचा मानकरी ठरला, 'या' उपमुख्यमंत्र्यांच्या हस्ते होणार पूजा,मंदिर समितीची माहिती

Kartiki Ekadashi : सोलापूर : कार्तिकी एकादशीचा मानकरी आता ठरला आहे. उपमुख्यमंत्री एकनाथ शिंदे यांच्या हस्ते आता ही शासकीय महापूजा होणार आहे. मंदिर समितीचे कार्यकारी अधिकार राजेंद्र शेळके यांनी याबाबतची माहिती दिली आहे.खरं तर आषाढी एकादशीची महापूजा ही मुख्यमंत्र्यांच्या हस्ते होते. तर कार्तिकी एकादशीची महापूजा उपमुख्यमंत्र्यांच्या हस्ते होते. राज्यात अजित पवार आणि एकनाथ शिंदे उपमुख्यमंत्री असल्याने महापूजा कुणाचा हस्ते करावी असा पेच निर्माण झाला होता. पण आता विधी व न्याय विभागाकडे एकनाथ शिंदे यांच्या नावावर शिक्कामोर्तब केलं आहे.