Shiv Jayanti : बाप-लेकींनी जपलाय शाहिरी परंपरेचा वारसा; शाहिरीतून जिकंतायत प्रेक्षकांची मने Video

शिवशाहीर दिलीप सावंत हे कोल्हापुरातील शाहिरी क्षेत्रातील एक प्रसिद्ध नाव आहे. गेल्या कित्येक वर्षात छत्रपती शिवाजी महाराजांवरील पोवाडे, गोंधळ गात त्यांनी फक्त महाराष्ट्रातच नाही तर भारतभर विविध ठिकाणी कार्यक्रम सादर केले आहेत. तर दीप्ती आणि तृप्ती सावंत या त्यांच्या दोन्ही मुली सध्या आपल्या वडिलांसोबत शाहिरा म्हणून सहभागी होत असतात. महाराष्ट्रातील शाहिरीची परंपरा खूप मोठी आहे. मात्र तरी देखील ही शाहिरीची कला हळूहळू लुप्त होत चालली असल्याची भीती मनात निर्माण झाली. याच कारणाने घरात दोन्ही मुलींना मी शाहिरीचे बाळकडू दिले. याची सुरुवात कोल्हापूरच्या ऐतिहासिक पन्हाळगड आणि किल्ले रायगड यांवरून केली होती, असे शाहीर दिलीप सावंत सांगतात.