Latur Flood: लातूरमध्ये पावसाचं तांडव, नदी-नाल्यांना पूर; 10 जणांची सुटका, सैन्याला पाचारण

लातूरमधील काही तालुक्यांत पूरस्थिती गंभीर झाली आहे. त्यामुळे खबरदारीचा उपाय म्हणून भारतीय सैन्याचे एक पथक लातूरला पाचारण करण्यात आले आहे. हे पथक अहमदपूर येथे दाखल होणार आहे.

लातूरमधील धरणे पूर्णपणे भरली असून नदीपात्रात विसर्ग सोडण्यात आला आहे. त्यामुळे पूरस्थिती निर्माण झाली असून नागरिकांना सुरक्षिततेच्या सूचना देण्यात आल्या आहेत. जिल्ह्यातील 49 रस्ते हे पूरस्थिती निर्माण झाल्यामुळे वाहतुकीसाठी बंद करण्यात आले आहेत. लोकांनी योग्य ती काळजी घ्यावी, असे आवाहन जिल्हाधिकारी वर्षा ठाकूर यांनी केले आहे.