Sangali: पलंगाखाली कुत्रा समजून हुसकावलं, पण आवाज वेगळाच, अश्विनीने लगेच दार केलं बंद; सांगलीतील थरारक घटना

मिळालेल्या माहितीनुसार, ही घटना  शिराळा तालुक्यातील माळेवाडी-कोकरूडमध्ये माळेवाडी या गावात घडली. अश्विनी अरुण गोसावी असं या धाडसी महिलेचं नाव आहे.   गोसावी वस्तीतील अरुण गोसावी यांच्या घरात हा बिबट्या रात्रीच्या सुमारस शिरला होता.  घरात शिरल्यानंतर बिबट्या कॉटच्या खाली जाऊन लपून बसला होता. गोसावी कुटुंबातील अश्विनी गोसावी यांना गुरगुरण्याचा आवाज आला, त्यानंतर त्यांनी कुत्रा असल्याचा समजून हुसकवण्याचा प्रयत्न केला, तसा आवाज आणखी वाढला, काही क्षणात त्यांना हा बिबट्या असल्याची बाब लक्षात आली. मग त्यांनी धावत घराच्या बाहेर जाऊन घराला कडी लावली.

त्यानंतर अश्विनी यांनी शेजाऱ्यांना याची माहिती दिली. घटनेची माहिती तातडीने वनविभागाला देण्यात आली यानंतर काही वेळात वन विभाग आणि पोलिसांच्या पथकाने घटनास्थळी धाव घेतली. बऱ्याच प्रयत्नानंतर शिरलेल्या बिबट्याला जेरबंद करण्यात वनविभागाला यश आलं. या बिबट्याला चांदोली अभयारण्यात सोडण्यात येणार आहे.

सोमवारी सकाळी १० वाजण्याच्या सुमारास बाळू गोसावी यांची सून अश्विनी गोसावी या वाळवण्यासाठी टाकलेली कपडे आणावयास गेल्या असता त्यांना कॉटखाली काहीतरी बसलेलं दिसलं. आधी हा कुत्रा आहे असं वाटलं पण बिबट्याने आवाज वाढवला तेव्हा बिबट्या आहे हे लक्षात आलं.