Raver Loksabha Result 2024 : 'रक्षा' की 'राम'; रावेरमध्ये कमळ पुन्हा फुलणार की तुतारी वाजणार?

रावेर लोकसभा मतदारसंघात प्रामुख्याने केळी उत्पादक शेतकऱ्यांचा केळी पिक विम्याचा प्रश्न, वेळेवर आधारित उद्योग व्यवसाय, बेरोजगारी, विकासात्मक कामे तसेच सिंचन योजनेची कामे हे या निवडणुकीत कळीचे मुद्दे पाहायला मिळाले. यावरूनच दोन्ही उमेदवारांमध्ये आरोप प्रत्यारोप देखील रंगले होते. रावेर लोकसभा मतदारसंघाची राजकीय परिस्थिती पाहता एकनाथ खडसे यांचा हा बालेकिल्ला मानला जातो, त्यामुळे या मतदारसंघावर एकनाथ खडसे यांचे मोठे प्राबल्य आहे.

2019 मध्ये झालेल्या लोकसभा निवडणुकीत भाजपकडून रक्षा खडसे तर काँग्रेस कडून डॉ. उल्हास पाटील यांच्यात लढत झाली होती. त्यावेळी तीन लाखापेक्षा अधिक मताधिक्याने रक्षा खडसे यांचा विजय झाला होता.