Maratha Reservation Manoj Jarange Patil : मराठवाड्यात जरांगे इफेक्ट! धग कमी करण्यासाठी भाजपने आखली खास रणनीती

सिद्धार्थ गोदाम, प्रतिनिधी, छत्रपती संभाजीनगर :  लोकसभेत दिसलेला जरांगे फॅक्टर विधानसभेतही दिसणार असल्याची चर्चा आहे. मराठा आरक्षणाच्या मुद्यावर आंदोलन करणारे मनोज जरांगे पाटील यांनी विधानसभा निवडणुकीत उमेदवार उतरवण्याची घोषणा केली होती. पण, त्यानंतर उमेदवार न उतरवण्याचा निर्णय जाहीर केला. त्याशिवाय, मनोज जरांगे पाटील यांनी मराठा आरक्षणासाठी पाडापाडी करण्याचे आवाहन समाजाला केले. जरांगे यांच्या नव्या भूमिकेनंतर भाजपने आपल्या व्यूहरचनेत बदल केला आहे. जरांगे पाटील इफेक्ट कमी करण्यासाठी भाजपने रणनीती आखली आहे.