Maharashtra Elections Ajit Pawar : गटबाजी बघून माझी वाट लावू नका, अजितदादांनी ग्रामस्थांसमोर हात जोडले!

जितेंद्र जाधव, प्रतिनिधी, पुणे :  शरद पवारांसोबत फारकत घेतल्यानंतर राष्ट्रवादी काँग्रेस पक्ष आपल्याकडे खेचला. राष्ट्रवादीत फूट पडल्यानंतरची ही पहिलीच विधानसभा निवडणूक आहे. लोकसभा निवडणुकीत राष्ट्रवादीला यश मिळाले नाही. बारामतीच्या प्रतिष्ठेच्या लढतीत उपमुख्यमंत्री अजित पवारांना पराभवाचा धक्का बसला. त्यानंतर बारामती विधानसभा निवडणुकीत विजय मिळवण्यासाठी अजित पवारांनी चांगलीच कंबर कसली आहे. अजित पवार यांनी गाव भेट दौरा सुरू आहे. तर, दुसरीकडे त्यांच्याकडून ग्रामस्थांच्या भेटीचा कार्यक्रम सुरू आहे. यावेळी गटबाजीसमोर अजितदादांनी हात जोडले. तुमच्या गावात वाद आहेत. तुमच्या गावातील वादाचा फटका मला बसू देऊ नका असेही अजित पवारांनी म्हटले.