Maharashtra Election Manoj Jarange Patil : मनोज जरांगेंनी अखेर डाव टाकला, विद्यमान आमदारांच्या पोटात गोळा, गेम फिरणार?

मुंबई : लढणार की पाडणार ? असा सवाल मराठा समाजासमोर ठेवणारे आरक्षण आंदोलक मनोज जरांगे पाटील यांनी अखेर आपल्या उमेदवारांची यादी जाहीर केली आहे. जरांगे यांनी आज अंतरवाली सराटीमध्ये उपस्थितांशी संवाद साधताना कोणत्या जागा लढवणार आणि कोणत्या जागा पाडणार याची घोषणा केली. जरांगे पाटील यांच्या घोषणेने राज्यातील सत्ता समीकरणावर परिणाम होणार आहे. त्याशिवाय, ज्या ठिकाणी उमेदवार पाडणार अशी घोषणा करण्यात आलीय, त्या ठिकाणचे आमदार आता डेंजर झोनमध्ये आल्याचे म्हटले जात आहे. या आमदारांना विजयासाठी नवी समीकरणे जुळवावी लागणार आहे.