Maharashtra Elections Ajit Pawar Sharad Pawar: शेवटची निवडणूक म्हणत मुलीनंतर थेट नातवाला उभं केलं, अजित पवारांचे काकांवर टीकास्त्र

जितेंद्र जाधव, प्रतिनिधी, पुणे : राज्यातील विधानसभेच्या निवडणूक प्रचारात आता रंग भरू लागले आहे. लोकसभा निवडणुकीत पराभवाचा फटका बसल्यानंतर उपमुख्यमंत्री अजित पवार यांनी आपल्या होमग्राउंडवर चांगलीच कंबर कसली आहे. अजित पवारांनी बारामतीमधील ग्रामस्थांच्या भेटीगाठीवर भर देण्यास सुरुवात केली आहे. लोणी भापकर येथे ग्रामस्थांशी संवाद साधताना अजित पवारांनी काका, शरद पवारांवर टीकास्त्र सोडले. आपली शेवटची निवडणूक असल्याचे सांगत सुप्रियासाठी मते मागितली. त्यानंतर आता पुन्हा शेवटची निवडणूक असल्याचे सांगत नातवाला उभं केलं. मी पण पुतण्या आहे, असे अजित पवार यांनी म्हटले.