Maharashtra Elections : आगामी निवडणुकीत नो रिस्क! विरोधकांना शह देण्यासाठी महायुती मोठा डाव टाकणार

तुषार रुपनवार, प्रतिनिधी, मुंबई: राज्यात आगामी महानगरपालिकांसह स्थानिक स्वराज्य संस्थांच्या निवडणुकीची रणधुमाळी लवकरच सुरू होणार आहे. स्थानिक स्वराज्य संस्थांच्या निवडणुका भाजप महायुतीच्या माध्यमातून लढवणार की स्वतंत्रपणे लढवणार, याची चर्चा सुरू होती. काही दिवसांपूर्वी राज्याच्या दौऱ्यावर आलेले भाजपचे ज्येष्ठ नेते आणि केंद्रीय गृहमंत्री अमित शाह यांनीदेखील स्वबळाची चाचपणी करण्याची सूचना पक्षाच्या नेत्यांना दिल्याची चर्चा होती. मात्र, भाजपच्या गोटामधून नो रिस्क असा सूर उमटत असल्याची माहिती सूत्रांनी दिली आहे.