Maharashtra News Ashok Chinh: विधिमंडळ अधिवेशनाच्या ओळखपत्रावरून 'अशोक स्तंभ' गायब, राजकीय वर्तुळात खळबळ

आता अधिवेशनाच्या ओळखपत्रावरूनही अशोकस्तंभ हद्दपार झाल्याने हा आरोप पुन्हा एकदा जोर धरू लागला आहे. विरोधकांनी यामागे "हिंदुत्ववादी एजेंड्याचं प्रतिकात्मक राजकारण" असल्याचा आरोप करत सरकारला लक्ष्य केलं आहे. “अशोकस्तंभ हे भारतीय प्रजासत्ताकाचं प्रतिक आहे. ते अचानकपणे हटवणं म्हणजे संविधानिक मूल्यांशी खेळ करणं,” अशी तीव्र प्रतिक्रिया उमटू लागली आहे. दरम्यान, यावर अद्याप सरकारकडून कोणतंही अधिकृत स्पष्टीकरण देण्यात आलेलं नाही.

आणीबाणीला 50 वर्ष लागू झाल्याच्या निमित्ताने केंद्र सरकार आणि राज्य सरकारने काही जाहिराती प्रकाशित केल्या होत्या. त्याशिवाय, राज्सरकारने मुंबईत एका कार्यक्रमाचेही आयोजन केले होते. मात्र, या कार्यक्रमात अशोक स्तंभाऐवजी सेंगोल हे चिन्ह ठेवण्यात आले होते. या प्रकारावर राज्यात संतप्त प्रतिक्रिया उमटू लागली होती.

काही दिवसांपूर्वीच, राष्ट्रीय स्वयंसेवक संघाचे सरकार्यवाह दत्तात्रय होसबळे यांनी राज्यघटनेतील प्रास्तविकात असलेले धर्मनिरपेक्षता आणि  समाजवादी हे शब्द हटवण्याची मागणी केली होती. हे दोन्ही शब्द आणीबाणीच्या कालखंडात आणण्यात आल्याचे त्यांनी म्हटले होते.