काशीद बीच ठरला मृत्यूचा सापळा, मित्र पैसे आणायला जाताच पुण्यातील तरुणासोबत घडला अनर्थ

रायगड : थर्टी फर्स्ट साजरा करण्यासाठी अनेकांनी कोकणसह गोव्याला जाणं पसंत केलं होतं. कोकणातील समुद्र किनारे गर्दीने भरून गेले होते. अशात थर्टी फर्स्ट साजरा करण्यासाठी कोकणात गेलेल्या पुण्यातल्या एका तरुणाचा दुर्दैवी अंत झाला आहे. काशीद बीचवर त्याचा बुडून मृत्यू झाला आहे. मागील आठवड्यात देखील या बीचवर एका तरुणाचा मृत्यू झाला होता. अशात आता पुन्हा एका तरुणाचा मृत्यू झाल्याने काशीद बीच मृत्यूचा सापळा ठरत असल्याची चर्चा आहे.