पंतप्रधान मोदींनी मागितली माफी; जरांगे पाटील म्हणाले, उद्घाटन करणाऱ्याचा....

प्रीतम पंडित, सोलापूर : मालवणमधील राजकोट किल्ल्यावर छत्रपती शिवाजी महाराजांचा पुतळा कोसळल्याच्या प्रकरणावरून राजकारण तापलं आहे. अशा विषयाचं राजकारण केलं जात असून सत्ताधारी आणि विरोधकांकडून एकमेकांवर आरोप प्रत्यारोप करण्यात येतायत. यावरून मराठा आरक्षणासाठी आंदोलन करणाऱ्या मनोज जरांगे पाटील यांनी राजकीय नेत्यांनी या प्रकरणात राजकारण करू नये असं आवाहन केलंय. या प्रकरणामुळे देशातील लोकांच्या भावना दुखावल्या आहेत. छत्रपती शिवाजी महाराज हे देशाचे दैवत आहेत. एवढ्या मोठ्या स्मारकांबाबत दुर्दैवी घटना घडली आहे. यामुळे आमच्या भावना दुखावल्या आहेत. या प्रकरणी कोणीही राजकारण करू नका असं जरांगे पाटील म्हणाले.