Ajay Baraskar : जरांगेंचे आधीचे सहकारी, जरांगेंचे आताचे विरोधक का झाले? बारस्करांची Exclusive मुलाखत

वाशीतून आल्यानंतर 10 तारखेला बैठक घ्या,असं सगळे जण म्हणत होते. 16 तारखेला आपण उपोषण करणार असं ठरलं होतं. पण ते कुणाचं ऐकत नव्हते. माझ्या मराठा माणसांना विचारूनच निर्णय घेईल असं म्हणाले होते. पण त्यावेळी त्यांना एक फोन आला, ते बोलत गेले आणि त्यांनंतर पत्रकारांशी बोलत असताना उपोषणाला बसलो असं जाहीर करून टाकलं. त्या माणसामध्ये नुसता अंहकार आहे. तो लोकांना हाकलून देतो. सभांमध्ये ते घाणरेड्या भाषेत टीका करतात. एका रात्रीत लॉटरी लागली आणि भिखारी सुद्धा झाले आहे. पण त्यांना व्यवस्थितीत लोकांना हाताळता येत नाही.

‘शेवटी खर्च येतच असतो, मराठा समाजाला काय फायदा झाला. जरांगेंच्या नावाने एक माणूस भडकतो, सदावर्ते कोर्टात जाणार आहे. सदावर्ते जरी कोर्टात गेला तरी मी कोर्टात जाईल. जरांगेंवर व्यक्तिगत राग आहे, मी कसा मोठा होईल, हेच ते करत होते. जरांगेंना उपोषण हे पंतप्रधानांच्या हाताने सोडायचं होतं.

त्यांच्यावर आता सिनेमा येणार आहे, त्यासाठी पैसा कुठून आला आहे. मराठा समाजाला जरांगेंनं उद्धवस्त केला आहे. माझे व्हिडीओ खोडून दाखवावे. वामनराव वायकर, बाबूराव वायकर यांची घरं उद्धवस्त केले आहे. नारायण रावांच्या घरावर झेंडा लावायचा आहे. तू भगवा झेंडा लावायला पोरगं देत नाही, असा आरोप केला. पण त्यांना कोपर्डी प्रकरणातील मारेकऱ्यांना मारायचं होतं. त्यासाठी त्यांनी या पोरांना कोयते दिले होते. त्यासाठी या पोराला फोडलं. मी एकटाच नाही तर अनेक जण बोलणारे आहे. पण कुणी पुढे येण्यासाठी घाबरत आहे. पण बोलणारे बरेच आहे. माझं मरण जर जरांगेंच्या हाताने असेल तर ते सुद्धा येई द्या, पण जर बसचा ड्रायव्हर दारू प्यायलेला असेल तर प्रवाशांना सांगितलं पाहिजे ना. मी जे बोलतोय त्यामुळे माझ्या घरची परिस्थितीत घाबरलेली आहे.

मुख्यमंत्री एकनाथ शिंदे हे अंतरवालीमध्ये गेले, ती त्यांची चूक झाली. मुख्यमंत्र्यांसारखा हा माणूस आहे. ते मराठा समाजासाठी तिथे गेले होते. जर मुख्यमंत्र्यांनी नारळ पाणी पाजलं असेल तर तो माणूस मोठा होईलच ना. त्यामुळे जरांगे हे मोठे झाले.

जरांगे यांना राजकीय पक्षाचं पाठबळ आहे हे सत्य आहे. याचा पुरावा नाही. पण या आंदोलनामुळे कुणाला फायदा झाला हे उघड आहे. लोक सरकारला शिव्या देत होते. या सरकारला खाली खेचा असं लोक म्हणत होते. या जरांगेंनी फडणवीसांवर टीका केली होती. आता फडणवीस साहेब म्हणत आहे. मग आता साहेब कसं म्हणत आहे. जरांगेंनी सगळ्या नेत्यांवर टीका केली. पण त्याने कुणावरही टीका केली नाही. त्या ज्येष्ठ नेत्याने खूप काम केलं आहे. त्यांच्याबद्दल मला आदर आहे. पण त्या नेत्यावर जरांगेंनी कधीच टीका केली नाही, हे संशोधनाचा विषय आहे. जरांगेंच्या आंदोलनाचा त्या राजकीय नेत्याला फायदा झाला आहे.

कुणालाही निवडणूक लढवण्याचा अधिकार आहे. आता ते मोठे झाले आहे. त्यांच्या मनात काय आहे, कुणी सांगू शकत नाही. पण ते काहीही करू शकतात. आज मी विरोधात बोलत आहे माझ्यावर अनेक जण टीका करत आहे.