किरकोळ वाद संपले! मनसेनेकडून संजय राऊतांना फोन गेला, ५ तारखेला उद्धव-राज मोर्चात एकत्र दिसणार?

मुंबई : महाराष्ट्र शासनाच्या हिंदी सक्तीच्या धोरणाविरोधात महाराष्ट्र नवनिर्माण सेनेचे अध्यक्ष राज ठाकरे यांनी अत्यंत खमकी भूमिका घेत महाराष्ट्रात हिंदीची सक्ती होऊ देणार नाही, असा रोखठोक पवित्रा घेतला. त्यासाठी तमाम मराठीजनांच्या वतीने मराठीची ताकद दाखविण्याकरिता मराठी हाच एकमेव अजेंडा ठेवून येत्या ५ जुलै रोजी मुंबईत मोर्चाचे नियोजन केले. या मोर्चाला मनसेकडून शिवसेना पक्षाचे खासदार, नेते संजय राऊत यांना निमंत्रण देण्यात आले आहे. हिंदी सक्तीच्या विरोधात भूमिका मांडण्यासाठी आपणही या मोर्चाला यावे, असे निमंत्रण मनसेने संजय राऊत यांना फोनवरून दिले आहे.