Weather update: 'मोंथा' वादळ आणि अरबी समुद्रातील 'डीप डिप्रेशन'मुळे महाराष्ट्रावर संकट, 4 दिवस कसं राहील हवामान?

उत्तरेकडे सायक्लोनिक सर्क्युलेशन तयार झालं आहे. अरबी समुद्रात डिप डिप्रेशन तयार झालं आहे. ज्याची टर्फ लाइन महाराष्ट्र आणि गुजरात या राज्यांमधून उत्तरेच्या दिशेनं जात आहे. तर पश्चिम बंगालच्या खाडीत मोंथा चक्रीवादळ धुमाकूळ घालत आहे. या सगळ्याच्या पार्श्वभूमीवर आता नोव्हेंबरपर्यंत पावसाचा मुक्काम राहण्याची शक्यता आहे. त्याचं कारण म्हणजे हे बदलणारे वारे आहेत.

29 ऑक्टोबर रोजी विदर्भात अति मुसळधार ते मुसळधार पावसाचा अंदाज वर्तवण्यात आला आहे. महाराष्ट्राशेजारील राज्यांमध्ये रेड अलर्ट चक्रीवादळामुळे असेल. तर कोकण आणि मध्य महाराष्ट्रात मात्र मेघगर्जना आणि विजांच्या कडकडाटासह मुसळधार पाऊस होईल असा अंदाज वर्तवला आहे. 30 ऑक्टोबर रोजी देखील पश्चिम महाराष्ट्र, कोकण आणि विदर्भात पाऊस राहणार आहे. गुजरातमध्ये ऑरेंज अलर्ट जारी करण्यात आला आहे.

३१ आणि 1 नोव्हेंबर रोजी महाराष्ट्रात हलक्या स्वरुपाचा पाऊस राहण्याची शक्यता आहे. मात्र चक्रीवादळ आणि डिप डिप्रेशनमुळे वारे कसे आणि कुठल्या दिशेनं फिरतात यावर अनेक गोष्टी अवलंबून आहेत. त्यामुळे तूर्तास तरी ३१ ऑक्टोबरपर्यंत पाऊस राहणार आहे. त्यानंतर कडाक्याची थंडी येईल अशी शक्यता आहे. ला निनामुळे प्रशांत महासागरातील हवामानात मोठे बदल झाले आहेत. मागच्या 25 वर्षांत जेवढी थंडी पडली नाही तेवढी यंदा राहील असा प्राथमिक अंदाज आहे.