इतके दिवसांपासून विश्रांती घेतलेल्यानंतर सलग तीन दिवस झाले मुंबई, ठाणे, उपनगर, नवी मुंबईसह कोकणाला पावसानं चांगलंच झोडपून काढलं आहे. मात्र आज पहाटेपासून अचानक पावसाचा जोर वाढला आहे. मुंबईला पहाटेपासूनच मुसळधार पावसानं झोडपलंय. या पावसानं अनेक भागात पाणी साचलं. त्याचा मोठा फटका लोकल आणि रस्ते वाहतुकीला बसला. सायन, किंग्ज सर्कल तसंच इतर अनेक भागात पाणी साचल्यानं वाहतुक धीम्या गतीनं सुरू आहे. मध्य रेल्वेवर कुर्ला, सायन, माटुंगा आणि दादर इथं ट्रॅकवर पाणी साचलंय. त्याचा फटका मध्य रेल्वेच्या लोकल वाहतुकीला बसलाय. लोकल वाहतूक वीस ते पंचवीस मिनिटं उशिरानं सुरू आहे.