Mumbai News : नवरात्रोत्सवातच हृदयद्रावक घटना! स्त्री जातीचं अर्भक शौचालयात फेकलं,नाळही नव्हती कापली

Mumbai News : राजेश शिंदे, मुंबई : मुंबईच्या भांडूपमधून एक धक्कादायक घटना समोर आली आहे. या घटनेत एका शौचालयात स्त्री जातीचं अर्भक सापडल्याची घटना घडली आहे. हादरवून टाकणारी बाब म्हणजे या बाळाची नाळ सुद्धा कापली नव्हती, आणि त्याच्या डोक्यालाही दुखापत झाली होती. या घटनेनंतर स्थानिकांनी डॉक्टरांकडे या बाळाला नेले होते. यावेळी डॉक्टरांनी बाळाची प्रकृती स्थिर असल्याची माहिती आहे.तसेच पोलिसांकडे हे प्रकरण जाताच पोलिसांनी या प्रकरणात बाळाच्या आई वडिलांचा शोध सुरु केला आहे.