Nashik News: नाशिक हादरलं! भर प्रचारात आपच्या उमेदवाराला पिस्तूल दाखवून धमकावलं, तरुणाला चोपलं, तुरुंगात असणाऱ्या रिपाइं नेत्यावर आरोप

नाशिक: नाशिक महानगरपालिका निवडणुकीच्या रणधुमाळीत गुंडगिरीने डोके वर काढले असल्याचा आरोप होऊ लागले आहेत. सातपूर परिसरातील प्रभाग क्रमांक ११ मध्ये खळबळजनक घटना घडली आहे. आम आदमी पक्षाचे (आप) उमेदवार समाधान आहेर यांच्यावर प्रचारादरम्यान एका तरुणाने थेट बंदूक ताणून त्यांना जीवे मारण्याची धमकी दिली. या घटनेमुळे नाशिकच्या राजकीय वर्तुळात मोठी खळबळ उडाली असून निवडणुकीच्या सुरक्षेचा प्रश्न ऐरणीवर आला आहे. या घटनेचा व्हिडीओ व्हायरल होत आहे.