देव तारी त्याला कोण मारी! आईच्या हातातून निसटून रेल्वेखाली गेली 2 वर्षांची चिमुकली, बचावली; कसं पाहा VIDEO

सेवाग्राम एक्स्प्रेस नाशिक रेल्वे स्टेशनच्या प्लॅटफॉर्मवर आली. गाडीतील प्रवाशांची गाडीतून उतरण्याची आणि प्लॅटफॉर्मवरील प्रवाशांची गाडीत चढण्याची घाई होती. अशीच घाईघाईत ट्रेनमधून उतरणारी महिला. जिच्या हातात तिची दोन वर्षांची मुलगी होती. ट्रेनमधून उतरताना मुलगी आईच्या हातातून निसटली ती थेट रेल्वेखाली गेली. रेल्वे रूळांवर ही मुलगी पडली.

ट्रेनला ग्रीन सिग्नल मिळाला होता. ट्रेन सुटणारच होती. तरी आपल्या जीवाची पर्वा न करता फिरोज तडवी रेल्वेच्या खाली गेले आणि त्यांनी त्या मुलीला रेल्वेखालून बाहेर काढलं. मुलीला आईच्या ताब्यात दिलं. तेव्हा कुठे सर्वांच्या जीवात जीव आला. रेल्वे स्टेशनवरील ही संपूर्ण घटना सीसीटीव्ही कॅमेऱ्यात कैद झाली आहे. व्हिडीओ पाहण्यासाठी इथं क्लिक करा.