Jitendra Avhad : जितेंद्र आव्हाडांनी फाडला बाबासाहेबांचा फोटो, आंदोलन आलं अंगलट

महाड, (प्रमोद पाटील, प्रतिनिधी) : राष्ट्रीय शैक्षणिक धोरणानुसार, 'एससीईआरटी'ने राज्याच्या शालेय अभ्यासक्रमात मनुस्मृतीमधील (Manusmriti) काही श्लोकांचा समावेश करण्याचा प्रस्ताव मांडला आहे. यावर अनेक संघटनांनी आक्षेप नोंदवला आहे. राष्ट्रवादी काँग्रेस शरदचंद्र पवार पक्षाचे आमदार जितेंद्र आव्हाड यांनी आज यावरुन महाडमध्ये आंदोलन केलं. त्यांनी आज (29 मे) थेट रायगडच्या महाड येथील चवदार तळ्यावर जात मनुस्मृतीचे दहन करत सरकारच्या या निर्णयाचा निषेध केला. मात्र, यावेळी चुकून त्यांनी भारतरत्न डॉ. बाबासाहेब आंबेडकर यांचा फोटो फाडला. यावरुन आता नव्या वादाला तोंड फुटले आहे.