ओबीसी नेते लक्ष्मण हाके आक्रमक, मराठा आरक्षणासंदर्भातील जीआर फाडला, सरकारवर सडकून टीका

अभिजीत पोते, प्रतिनिधी, पुणे : मराठा आरक्षण आंदोलकांचे नेते मनोज जरांगे पाटील यांचे उपोषण सोडविण्याकरिता राज्य सरकारने मराठा जातीचे प्रमाणपत्र देण्यासाठी कार्यपध्दती निश्चित करून प्रमाणपत्र देण्याची प्रक्रिया सुलभ केली. याच शासन निर्णयावर आक्षेप नोंदवून ओबीसी आरक्षण बचाव समितीचे नेते लक्ष्मण हाके यांनी शासनाने पारित केलेला शासन निर्णय अर्थात जीआर फाडला. शासनाने मनोज जरांगे पाटील यांच्या मागण्या मान्य करून ओबीसी आरक्षणावर घाव घालण्याची अक्षम्य चूक केली. त्यामुळे आम्ही हा जीआर फाडून शासनाचा निषेध करतो आहे, असे लक्ष्मण हाके म्हणाले.