Mahadev Jankar : बारामती की परभणी? महादेव जानकर कोणत्या मतदारसंघात लढणार? राष्ट्रवादीनेच केली घोषणा

मुंबई : लोकसभा निवडणूक तोंडावर आली असून आता उमेदवार जाहीर करण्याच्या हालचालींना वेग आला आहे. रासपचे नेते महादेव जानकर नुकतेच महायुतीत सहभागी झालेत. यानंतर जानकर नेमके कुठून लढणार? याची चर्चा सुरू झाली. सुनेत्रा पवार यांच्याऐवजी महादेव जानकर बारामतीतून लढणार की परभणीतून उभे राहणार? याची उत्सुकता होती. कालपर्यंत भाजपने धोका दिल असं सांगणारे महादेव जानकर मविआच्या दारातून पुन्हा महायुतीत आले आहेत. आता अजित पवार गटाचे प्रदेशाध्यक्ष सुनिल तटकरे यांनीच महादेव जानकर यांची उमेदवारी जाहीर केली आहे. सुनिल तटकरे यांनी आज पत्रकार परिषद घेत पक्षाची भूमिका स्पष्ट केली. यावेळी महादेव जानकरही उपस्थित होते.