भारतात जर 16 वर्षांखालील मुलांना सोशल मीडियावर बंदी घातली पाहिजे का? पोरं थेट बोलली...

बंदीला पाठिंबा देणाऱ्या मुलांची मते अशी आहेत की, आजकाल फार लहान वयातच मुले मोबाईलच्या अधिन जाताना दिसत आहेत. मोबाईल दिला नाही तर अनेक मुलं जेवणही करत नाहीत. सतत मोबाईलच्या वापरामुळे मुलं चुकीचा कंटेंट सहज उपलब्ध असल्यामुळे चुकीच्या मार्गावर जाण्याची शक्यता असते. अशा घटना सातत्याने वेगवेगळ्या शहरांतून समोर येताना दिसत आहेत. मोबाईलच्या अतिवापराचा अभ्यासावरही परिणाम होत आहे. या सर्व कारणांमुळे ऑस्ट्रेलियाप्रमाणे भारतातही सोशल मीडियावर बंदी असावी, अशी मते काही मुलांनी व्यक्त केली आहेत.

काही मुलांच्या मतानुसार भारतात सोशल मीडियावर बंदी नसावी. त्यांच्या मते... सोशल मीडियामुळे आपल्याला घबसल्या जगभरातील माहिती सहज मिळते आणि त्याचा उपयोग अभ्यासासाठीही होतो. एखादी गोष्ट समजली नाही तर युट्युबवर पाहता येते, तसेच सोशल मीडियाच्या माध्यमातून पैसेही कमावता येतात. पुढे ॲक्टर व्हायचं असल्यास सोशल मीडियाचा उपयोग करून संधी मिळू शकते. त्यामुळे भारतात सोशल मीडियावर बंदी नसायला हवी , काही मुलांनी बंदी घातली तर आंदोलन करण्याचा इशाराही दिला आहे. एकूण पाहता, 100 पैकी सुमारे 70 टक्के मुलांना भारतात सोशल मीडियावर बंदी नको आहे, तर 30 टक्के मुले बंदीच्या बाजूने आहेत.