कुणाला गुन्हा करण्याची खुमखुमीच असेल तर... पुणे पोलीस आयुक्तांचं 'नंबरकारी' पोरांना ओपन चॅलेंज

पुणे : पुण्यातील गुन्हेगारी टोळ्यांदरम्यान उफाळून आलेल्या संघर्षात सर्वसामान्य पुणेकर भीतीच्या छायेत आहेत. कधी कोयता गँगचा नंगानाच तर कधी वाहन्यांच्या काचा फोडून पेटविण्याचे प्रकार तर कधी सोनसाखळी चोरांचा हैदोस अशा घटनांनी पुण्याच्या कायदा सुव्यवस्थेचा प्रश्न ऐरणीवर आलेला आहे. आयुष कोमकरच्या हत्येने पुणे पोलिसांच्या कार्यक्षमतेवर आणि त्यांच्या इराद्यांवर शंका उपस्थित करण्यात आली. कोमकर हत्या प्रकरणात पोलिसांनी लगोलग कारवाई केलेली असली तरीही टोळीयुद्ध थांबविण्यासाठी पुणे पोलिसांकडे कोणता अॅक्शन प्लॅन आहे, असे नागरिक विचारीत आहेत. याच पार्श्वभूमीवर पुणे पोलीस आयुक्त अमितेश कुमार यांनी सर्वसामान्य पुणेकरांना सुरक्षिततेची ग्वाही देताना गुन्हेगारांना निर्वाणीचा इशारा दिला आहे.