नवरात्रीच्या पूर्वसंध्येला पुणे पोलिसांची मोठी कारवाई, टोळ्यांचं कंबरडं मोडलं, ४३ जणांना तुरुंगात धाडलं

अभिजीत पोते, प्रतिनिधी, पुणे : पुण्यात गणेशोत्सवाचा सण धुमधडाक्यात सुरू असताना आंदेकर-कोमकर यांच्यातील टोळीयुद्धातून आयुष कोमकर या महाविद्यालयीन तरुणाचा जीव गेल्याने पोलिसांच्या कार्यक्षमतेवर जोरदार टीका झाली. गणेशोत्सवाच्या आधी पोलिसांनी नामचिन आरोपींवर प्रतिबंधात्मक कारवाई करणे अपेक्षित असते. परंतु आंदेकर टोळीतील सदस्यांकडे दुर्लक्ष केल्याने त्यांनीच आयुषची हत्या केली. पूर्वानुभव लक्षात घेऊन नवरात्रीच्या पूर्वसंध्येला पुणे पोलिसांनी प्रतिबंधात्मक कारवाई म्हणून तब्बल ४३ जणांना तुरुंगात धाडले.