महाडच्या मनसे शहर अध्यक्षाला बेदम मारहाण, शिवसेनेच्या कार्यकर्त्यांवर गंभीर आरोप, रायगडमध्ये काय घडलं?

Raigad News : रायगडमधून एक धक्कादायक घटना समोर आली आहे. या घटनेत महाडचे मनसे शहर अध्यक्ष पंकज उमासरे यांना बेदम मारहाण करण्यात आल्याची घटना घडली आहे.या मारहाणीनंतर उमासरे यांना रुग्णालयात दाखल करण्यात आले होते. उमासरे यांना झालेली ही मारहाण उप मुख्यमंत्री एकनाथ शिंदे यांच्या शिवसेनेच्या कार्यकर्त्याकडून केल्याचा आरोप होत आहे.तसेच मंत्री भरतशेठ गोगावले यांच्या विरोधात बोलल्याने त्यांना मारहाण झाल्याचा संशय व्यक्त होतोय. या प्रकरणी अद्याप तरी मनसेकडून कोणत्याही प्रकारची तक्रार दाखल करण्यात आलेली नाही आहे. पण या घटनेने रायगडमध्ये खळबळ माजली आहे.