Rohit Pawar Ajit Pawar : राष्ट्रवादीत चाललंय काय? काकाच्या स्वागतासाठी पुतण्याची बॅनरबाजी, चर्चांना उधाण

साहेबराव कोकणे, प्रतिनिधी, अहिल्यानगर: राष्ट्रवादी काँग्रेसमधील फुटीनंतर लोकसभा-विधानसभा निवडणुका पार पडल्या. या दोन निवडणुकानंतर राष्ट्रवादी एकत्र येणार असल्याची चर्चा सुरू असतात. मात्र, दोन्ही गटांकडून या चर्चांना पूर्ण विराम लावण्याचा प्रयत्न केला जातो. काही दिवसांपूर्वी चुलत्याच्या आशिर्वादाने बरं चाललंय असे वक्तव्य उपमुख्यमंत्री अजित पवार यांनी केले होते. त्यानंतर काका-पुतण्याच्या जवळीकीबाबत तर्क लावण्यास सुरुवात झाली होती. आता राष्ट्रवादीतील आणखी एक घडामोड समोर आली आहे. काका अजित पवार यांच्या दौऱ्याच्या स्वागताचे बॅनर पुतण्या रोहित पवारच्या समर्थकांकडून करण्यात आली आहे. त्यामुळे राष्ट्रवादीत नेमकं काय सुरू आहे, याची चर्चा रंगली आहे.