Transport: ओला, उबर, रॅपिडोचं भाडं कमी होणार! काय सांगते आरटीओची नवीन नियमावली?

मुंबई: महानगरी मुंबईसह आजूबाजूच्या उपनगरांनध्ये प्रवास करण्यासाठी अनेकजण ओला, उबर, रॅपिडोसारख्या अ‍ॅप्सची सेवा घेतात. हे अ‍ॅग्रीगेटर्स गेल्या काही काळापासून प्रवाशांकडून जास्त भाडं घेऊन चालकांना कमी मोबदला देत असल्याचे प्रकार घडत होते. यावर आता कारवाई करण्यात आली आहे. निश्चित दर ठरवून त्याची अंमलबजावणी करण्याचे आदेश परिवहन विभागाने अ‍ॅग्रीगेटर्सला दिले आहेत. आजपासून (23 सप्टेंबर) ओला, उबर, रॅपिडोचे कॅबचालक सरकारी नियमाप्रमाणे प्रवासी दर आकारणार आहेत.