मकर संक्रांतीला मामाकडे आला, पतंग उडवताना विद्युत तारेला स्पर्श, मुलाचा जागीच मृत्यू

सांगली: मकर संक्रांतीच्या सणानिमित्त पतंग उडवण्याची मुलांना भारी हौस वाटते. पक्षीमित्र आणि सामाजिक संस्थांच्या वारंवार जनजागृतीनंतरही मुले पतंग उडवत असतात. यातूनच अनेकदा भयंकर घटना समोर येतात. यापैकीच चौदा वर्षीय अर्णव महेश व्यवहारे मुलाच्या मृत्यूची अत्यंत दुर्दैवी घटना समोर आली आहे. मकर संक्रांतीच्या सणाला पतंग उडवण्यासाठी अर्णव पिंपरी-चिंचवडहून कोपरगावला मामाकडे आला होता. पतंग उडवत असताना एका अपघातामध्ये त्याचा मित्रही जखमी झाला.