Railway Update: मराठवाड्यातील रेल्वे प्रवाशांसाठी मोठी बातमी, 6 गाड्या उशीराने धावणार, बघा वेळापत्रक

जालना: मराठवाड्यातून रेल्वे प्रवास करणाऱ्या प्रवाशांसाठी एक महत्त्वाची बातमी समोर आली आहे. नांदेड विभागातून धावणाऱ्या तब्बल सहा गाड्या 15 मिनिटे ते 1 तास 50 मिनिटे उशिराने धावणार आहेत. नांदेड विभागात विविध ठिकाणी टी-28 मशीनद्वारे खोल स्क्रीनिंग व महत्त्वाच्या क्रॉसओव्हर कनेक्शनच्या कामांसाठी 3 तासांचे ट्रॅफिक ब्लॉक्स घेण्यात येणार आहेत. 9 सप्टेंबर ते 10 ऑक्टोबरदरम्यान हा ब्लॉक असल्यामुळे प्रवासाचा अवधी वाढणार आहे. त्यानुसार नियोजन करूनच प्रवाशांना घराबाहेर पडावे लागणार आहे.