Beed: स्कॉर्पिओ आणि कारची समोरासमोर धडक, 3 जण जागीच ठार, बीडमधील घटना

मिळालेल्या माहितीनुसार,  बीड- लातूर जिल्ह्याच्या सीमेजवळ सोमवारी रात्री हा भीषण अपघात झाला आहे. स्कार्पिओ गाडी आणि कारचा समोरासमोर धडक झाली आहे. हा अपघात इतका भीषण होता की, यामध्ये स्कॉर्पिओ गाडीच्या समोरील भागाचा चक्काचूर झाला. तर कारचंही मोठ्या प्रमाणात नुकसान झालं. या भीषण अपघातात तीन जण जागीच ठार झाले आहेत. तर दोघे गंभीर जखमी झाले आहे.

घटनास्थळी स्थानिकांनी धाव घेऊन कारमधील अडकलेल्या लोकांना बाहेर काढलं. घटनेची माहिती मिळताच पोलिसांनी घटनास्थळी धाव घेतली. स्कॉर्पिओ आणि अपघातग्रस्त कार महामार्गावरून बाजूला करण्यात आली. अपघातातील जखमींना तातडीने  लातूर येथील रुग्णालयात उपचारासाठी दाखल करण्यात आले आहे. या अपघातात मयत कोणत्या गावचे आहेत अद्याप माहिती मिळू शकली नाही. या अपघातामुळे काही काळ वाहतूक कोंडी झाली होती. जखमींना लातूरच्या जिल्हा रुग्णालयात दाखल करण्यात आलं असून उपचार सुरू आहे.

(सविस्तर बातमी लवकरच)