लातूरमधील HIV बाधित मुलीवर अत्याचार प्रकरणाला धक्कादायक वळण, मुख्य आरोपी अखेर सापडला

पीडित अल्पवयीन मुलीने सुरुवातीला जबाब देताना आरोपीचे आडनाव हे महामुनी सांगितलं होतं. पण प्रत्यक्ष ताब्यात घेतल्यानंतर मूळ आरोपी हा अमित वाघमारे असल्याचे पुढं आलं आहे. मुळात दोघांचे नाव हे अमित असल्यामुळे अल्पवयीन पीडिता ही आडनावात गोंधळली असावा, असं पोलीस सूत्रांनी सांगितलं. मुख्य आरोपी अमित वाघमारे हा हासेगाव येथील सेवालय परिसरात गाई चरवणारा इसम असून त्यानेच बलात्कार केल्याचे पिडीतेने पोलिसांना सांगितलं आहे. याप्रकरणी आज औसा पोलिसांनी निष्पन्न झालेला मुख्य आरोपी अमित वाघमारे आणि राणी नावाच्या महिलेला ताब्यात घेतलं आहे.