बारामतीत खळबळ! इंदापूरच्या दिशेने धावत्या बसमध्ये कोयत्याने सपासप वार, पोलिसांनी सांगितलं खळबळजनक कारण

Baramati Crime News : बारामती तालुक्यातील काटेवाडी गावाजवळ इंदापूरच्या दिशेने जाणाऱ्या एका एसटी बसमध्ये अत्यंत धक्कादायक घटना घडली आहे. चालू बसमध्येच अविनाश सगर नावाच्या व्यक्तीने एका प्रवाशावर कोयत्याने हल्ला करून त्याला गंभीर जखमी केले. हा प्रकार घडल्यानंतर हल्ला करणाऱ्या अविनाश सगरने स्वतःवरही वार करून घेतले. या अनपेक्षित घटनेमुळे बसमधील सर्व प्रवासी प्रचंड घाबरले आणि तात्काळ बस थांबवून त्यांनी जीव वाचवण्यासाठी पळ काढला होता.