Central Railway: दौंड-कलबुर्गी रेल्वेबाबत मोठा निर्णय, सोलापूरच्या प्रवाशांनाही फायदा, पाहा अपडेट

दौंड-कलबुर्गी अनारक्षित विशेष रेल्वेच्या येत्या काळात एकूण 126 फेऱ्या होणार आहेत. ही गाडी व्यापारी वर्ग, कामगार, विद्यार्थी यांच्यासाठी अत्यंत महत्त्वाची असल्याने फेऱ्यांचा विस्तार प्रवाशांसाठी दिलासादायक ठरणार आहे.

दौंड-कलबुर्गी विशेष रेल्वे गाड्यांच्या वेळापत्रकामध्ये, रचनेमध्ये आणि थांब्यामध्ये कोणताही बदल करण्यात आलेला नाही. प्रवाशांना गैरसोय टाळण्यासाठी वैध तिकिटासह प्रवास करण्याची विनंती मध्य रेल्वे प्रशासनाकडून करण्यात आली आहे. तसेच अनारक्षित कोचसाठी स्थानकावर बुकिंग काउंटर आणि युटीएस द्वारे देखील बुकिंग करता येणार आहे. तसेच या विशेष गाड्यांच्या तपशीलवार वेळा आणि थांब्यासाठी www.enquiry.indianrail.gov.in या अधिकृत वेबसाईटला भेट देऊन किंवा NTES APP वर जाऊन माहिती घेता येईल, असे रेल्वेकडून सांगण्यात आले आहे.