सोलापुरात पुलाच्या पाडकामानंतर ही मेगाब्लॉक, या रेल्वे गाड्या रद्द, पाहा वेळापत्रक

सोलापूर शहरातील लोकशाही अण्णाभाऊ साठे चौक ते मरिआई चौक दरम्यान असणाऱ्या 103 वर्षांपूर्वी बांधण्यात आलेला पूल जीर्ण झाल्याने तो पाडण्यात आला. पुलाचे पाडकाम पूर्ण झाल्यानंतर रेल्वे प्रशासनाने पूल परिसरातील रेल्वे रूळ, विद्युत यंत्रणा आणि सुरक्षिततेच्या संबंधित कामे पूर्ण करण्यासाठी 16 डिसेंबर ते 19 डिसेंबर दरम्यान मध्य रेल्वेच्या सोलापूर रेल्वे विभागामार्फत कमी-अधिक प्रमाणात मेगाब्लॉक घेण्यात येणार आहे. तर या कालावधीत काही गाड्या रद्द, काही रेल्वे गाड्यांच्या मार्गात बदलले जाणार आहे.

रायचूर-विजयपुरा आणि विजयपुरा-रायचूर पॅसेंजर गाडी, पुणे सोलापूर आणि सोलापूर पुणे इंटरसिटी एक्सप्रेस या गाडीला 30 मिनिटांनी नियंत्रित केले जाणार आहे. तर याशिवाय चेन्नई सेंट्रल अहमदाबाद एक्सप्रेस ही गाडी 90 मिनिटांनी उशिरा धावणार आहे. पुन्हा 16 डिसेंबर आणि 17 डिसेंबर रोजी दुपारी 2 वाजून 10 मिनिटांपासून ते सायंकाळी 5 वाजून 40 मिनिटांचा ब्लॉक घेण्यात येणार आहे. या वेळेत विजयपुरा रायचूर पॅसेंजर ही गाडी होटगीपर्यंतच धावणार आहे. तर रायचूर विजयपूर ही पॅसेंजर गाडी होटगी येथूनच सुटेल. या कालावधीत कन्याकुमारी पुणे एक्सप्रेस ही गाडी सुमारे 30 मिनिटांनी नियंत्रित केले जाणार आहे.