Navratri 2025: मुलींनो बिनदास्त खेळा गरबा-दांडिया! कल्याण पोलीस ठेवणार विशेष लक्ष

कल्याण: सोमवारपासून (22 सप्टेंबर) शारदीय नवरात्रौत्सवाला सुरुवात झाली. संपूर्ण राज्याप्रमाणे कल्याण शहरात देखील सार्वजनिक नवरात्रौत्सव मंडळांनी घटस्थापना करून देवींच्या मूर्तींची प्रतिष्ठापना केली आहे. काही मंडळांनी सालाबादप्रमाणे दांडिया आणि गरब्याचं आयोजन देखील केलं आहे. अशा गर्दीच्या कार्यक्रमांमध्ये काही टवाळखोर आणि गुन्हेगारी प्रवृत्तीचे लोक महिला आणि मुलीसोबत गैरवर्तन करत असल्याच्या घटना घडतात. काही ठिकाणी मोबाईलसारख्या वस्तूंच्या चोऱ्या देखील होतात. ही बाब लक्षात घेऊन कल्याण पोलिसांनी चोख बंदोबस्ताची तयारी केली आहे.