Palawa Flyover: कोट्वधींचा खर्च अन् 6 वर्षे काम! रस्ते विकास महामंडळ टिकेचं धनी, काय आहे प्रकरण?

कल्याण: डोंबिवली, अंबरनाथ, बदलापूरहून मुंबई आणि नवी मुंबईला जाणाऱ्या प्रवाशांच्या सोयीसाठी मोठा गाजावाजा करून पलावा उड्डाणपुलाची उभारणी करण्यात आली. या उड्डाणपुलाची एक लेन 4 जुलै रोजी वाहतुकीसाठी सुरू देखील झाली आहे. मात्र, त्यानंतर काही दिवसांतच या पुलावरील रस्त्यावर खड्ड्यांचं साम्राज्य निर्माण झालं आहे. सध्या हा रस्ता दुरुस्तीसाठी बंद करण्यात आला आहे. त्यामुळे राज्य रस्ते विकास महामंडळ टिकेचं धनी ठरलं आहे. या कामाची रेकॉर्ड बुकमध्ये नोंद झाली पाहिजे, अशा शब्दांत नागरिकांनी रस्ते विकास महामंडळाची खिल्ली उडवली आहे.