ओबीसींचे २७ टक्के आरक्षण पूर्ववत, ४ आठवड्यात नोटिफिकेशन, महापालिका निवडणुकीचं लवकरच बिगुल वाजणार

मुंबई : मुंबई ठाणे, पुणे, नाशिकसह राज्यातील महत्त्वाच्या महापालिका, जिल्हा परिषद आणि नगर पालिकांच्या निवडणुका रखडल्या होत्या. मागील जवळपास अडीच ते तीन वर्षांपासून या निवडणुका रखडल्या असून राज्यात प्रशासक राज सुरू असल्याची टीका करण्यात येत होती. स्थानिक स्वराज्य संस्थाच्या निवडणुकीबाबत याचिकेवर सुप्रीम कोर्टात सुनावणी पार पडली. या सुनावणीत चार आठवड्यांच्या आत स्थानिक स्वराज्य संस्थांच्या निवडणुका जाहीर करा, तसेच चार महिन्याच्या आत निवडणुका पार पाडा असे आदेश सर्वोच्च न्यायालयाने दिलेत. त्यामुळे मुंबईसह राज्यातील महत्त्वाच्या महापालिकांमध्ये निवडणुकांचा मार्ग आता मोकळा झाला आहे.